Sërish UFO në qiellin kinez

Posted by admin | Posted in Kuriozitete | Posted on 17-07-2010

0

Pak ditë pasi disa banorë të Kinës vunë re disa objekte të paidentifikuara në ajër, fenomeni përsëritet.

Sipas agjencisë së lajmeve Nova Cina, pas 7 Korrikut ku UFO-t u pa pranë aeroportit të Hanghzhout, dje 4 objekte fltuturues të paidentifikuar janë vënë re në një park të qytetit Chongqing në pjesën jug-lindore të Kinës.

Shumë dëshmitarë thonë se kanë parë objekte si ato në Hanghzhou dhe disa foto i kanë hedhur online në internet. Objektet kishin formë diamanti dhe kanë fluturuar për rreth një orë mbi “Shaping Park”. Tre nga katër prej tyre kishin ngjyrë të bardhë, ndërsa një tjetër ngjyrë të kuqe.

Ndërkohë, 6 ekspertë kanë shkuar në Hanghzhou pa arritur ende të zbardhin dicka nga misteri i javës së shkuar. Autoritetet ushtarake theksojnë se radarët janë fikur në momentin që u panë objektet.

Komentoni këtë kuriozitet